Апасиев: „Тие имаа милијарди, ние само брендирано комбе

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Апасиев: „Тие имаа милијарди, ние само брендирано комбе – и сепак дуплиравме“

03 ноември 2025

• од Станча Јаќимовски

По објавувањето на првите резултати од вториот изборен круг, во партијата Левица беше одржана прес-конференција на која се обратија лидерот Димитар Апасиев и кандидатот за градоначалник на Чаир, Амар Мециновиќ.

Апасиев: Пирова победа на режимот, Левица дуплира

Апасиев изјави дека резултатите претставуваат „пирова победа на режимот“, нагласувајќи дека Левица бележи значаен раст во поддршката низ државата.
„Како претседател на Левица, вечерва ќе честитам само на градоначалниците во Кичево и Брвеница. Тоа значи дека нашата македонска платформа дава резултати кога сме обединети,“ изјави тој.

Според него, резултатите од вториот круг покажуваат дека ВМРО-ДПМНЕ „стагнира“, додека Левица „дуплира“. Апасиев посочи дека кандидатот Орце од Драчево има зголемување од само 3.500 гласа во однос на првиот круг, додека кандидатот на Левица во Чаир, Амар Мециновиќ, добил дополнителни 30.500 гласа.

„Ова само покажува дека опозициските тенденции се прелеваат кон Левица. Вечерва можеме да објавиме дека сме прва партија, дури и пред ВМРО-ДПМНЕ, во Центар, Карпош и урбаниот дел од Аеродром,“ изјави Апасиев, додавајќи со ироничен тон дека „вреди ги зафркна ДМПНЕ“.

Тој ги критикуваше и неопределените гласачи, од кои, како што рече, 66 проценти не излегле да гласаат. „Тоа е неинтелигентно решение со ваков изборен модел. Апелиравме дека неизлегувањето е погрешен избор, и тоа се покажа,“ нагласи лидерот на Левица.

„До левичарите ќе порачам – зарем мислевте дека со 16.000 евра на Фејсбук можеме да победиме ламја која цица милијарда на овие избори? Тие имаа милијарди, ние само едно брендирано комбе. Ви ветуваме пекол во Собранието ако не го измените Изборниот законик и ако не ни дадете член во ДИК,“ порача Апасиев.

Мециновиќ: Го разбудивме духот на Скопје

Кандидатот за градоначалник на Чаир, Амар Мециновиќ, во своето обраќање изјави дека резултатот што го постигнала Левица во главниот град претставува историски момент за движењето.

„Постигнавме нешто што не можевме ни да замислиме. Во овие 60.000 гласа го гледаме огледалото на иднината на Скопје. Успеавме да ја разбудиме енергијата и да ја мобилизираме младата генерација,“ рече Мециновиќ.

Тој додаде дека во следните години Скопје ќе продолжи да се мобилизира и дека Левица ќе претендира да биде првата партија во главниот град. „Со овој резултат покажавме дека иднината на Македонија е посветла,“ заврши Мециновиќ.