16 октомври 2025
• од Станча Јаќимовски
Претседателот на политичката партија Левица, пратеникот Димитар Апасиев, во своето гостување во подкастот „Поткастрување“ изјави дека антикомунизмот во македонски услови претставува форма на антимакедонизам.
„Затоа што антикомунизмот во македонски прилики е антимакедонизам, или да повторам — антикомунизмот во македонски прилики е антимакедонизам,“ истакна Апасиев.
Тој посочи дека дел од луѓето кои се претставуваат како патриоти, како што ги нарече „Тодор-Александровци, Ванчо-Михајловисти, про-бугараши, ВМРО-аши и Вергинаши“, често ја злоупотребуваат темата за комунизмот, без да признаат дека токму комунистите ја создадоа македонската држава.
„Кога ќе ви зборуваат за тоа, нека им стои оваа реплика некаде позади во главата — дека ова е држава која ја создадоа комунисти со национален лев патриотизам, и ние асномскиот идеал само го продолжуваме,“ нагласи Апасиев.
Со оваа изјава, лидерот на Левица повторно ја потенцира идеолошката линија на својата партија, која се повикува на АСНОМ и наследството на левиот македонски патриотизам, во спротивност со она што го смета за десничарски ревизионизам и про-бугарски наративи.
Само што ни тргна: „Трансавиа“ ги укинува летовите меѓу Скопје и Амстердам
Филипче: Оваа влада не ги решава проблемите на граѓаните, туку ги игнорира
Ненадминливи Понуди Дневно
4.8 (10276 рецензии)
Заштедете 152.00 ден