27 август 2025
• од Станча Јаќимовски
Агенцијата за национална безбедност (АНБ) во август годинава склучи договор за набавка на нови клима уреди во вредност од 1.180.000 денари (околу 19.000 евра). Договорот е потпишан на 18 август 2025 година, а на 22 август е објавен на веб-страницата за јавни набавки.
Според објавените податоци, набавката се спровела преку поедноставена отворена постапка. На повикот се пријавиле осум компании, а како најповолен понудувач е избрано „Аиркон“ ДОО увоз-извоз Скопје.
АНБ ќе се поднови со вкупно 40 клима уреди, од кои:
Вкупната вредност на опремата, според спецификацијата, изнесува 902.577 денари без ДДВ, односно 1.180.000 денари со пресметан ДДВ.
Ова не е прва јавна набавка на АНБ во последниот период. Пред извесно време, Агенцијата спроведе набавка и на вина во вредност од 200.000 денари, што предизвика внимание во јавноста.
Со последната набавка, институцијата дополнително ја модернизира својата инфраструктура, а клима уредите треба да придонесат за подобри услови за работа на вработените.
Ненадминливи Понуди Дневно
4.8 (10276 рецензии)
Заштедете 152.00 ден