21 октомври 2025
• од Станча Јаќимовски
Кандидатот за градоначалник на Општина Карпош и актуелен градоначалник, Стевчо Јакимовски, остро реагираше по одлуката на Државната изборна комисија (ДИК), која му одобрила само 3.500 евра за кампањата во вториот круг од локалните избори, додека, како што тврди тој, на неговиот противкандидат му бил одобрен остатокот до 56.000 евра.
„ДИК ми одобри 3.500 евра за кампања, а на Соте остатокот до 56.000 евра. И мислат дека така ќе ме сопрат? Џабе ви е брашното, џабе ви се заканите, џабе ви се министрите што ги шетате низ Карпош, џабе ви е негативната кампања. Моите проекти зборуваат сами за себе“, порача Јакимовски во својата објава.
И покрај ограничувањата, Јакимовски порача дека нема намера да се откаже, најавувајќи дека ќе продолжи со кампањата на свој начин:
„Вратите ги затворивте, прозорците ги затворивте… ама јас – ќе влезам преку оџак! Карпош не се купува со пари, се освојува со работа, чесност и љубов кон народот.“
Тој додаде дека граѓаните најдобро ја препознаваат неговата работа и дека неговите проекти се доказ за неговата посветеност кон општината.
Јакимовски ја заврши пораката со бројот за контакт – 070 225 055, повикувајќи ги граѓаните на директна комуникација и поддршка во вториот изборен круг.
Ненадминливи Понуди Дневно
4.8 (10276 рецензии)
Заштедете 152.00 ден