Голема Задушница – ден за молитва и спомен на починатите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Голема Задушница – ден за молитва и спомен на починатите

14 февруари 2026

• од Станча Јаќимовски

Голема Задушница е првата голема задушница во годината и се одбележува ден пред празникот Месни Заговезни. Овој ден има особено значење во православната традиција, бидејќи е посветен на молитва и помен за душите на починатите.

Според православното учење, Голема Задушница е еден од трите дена во текот на годината кога верниците особено им оддаваат почит на упокоените. Тоа е ден на духовно сеќавање, молитва и изразување љубов кон оние што повеќе не се меѓу нас.

Обичаи и симболика

На овој ден традиционално се подготвува варена и засладена пченица (жито), леб и вино. Поменот може да се изврши на гробишта, во црква или во домот. Секој од овие елементи има длабока симболика:

Житото го симболизира воскресението. Според зборовите на апостол Павле, зрното не може да оживее ако претходно не умре, што ја претставува верата во вечниот живот.
Виното е симбол на крвта на Исус Христос и жртвата што Тој ја принесол за спасение на човештвото.
Запалените свеќи ја претставуваат живата и силна вера, а нивниот пламен потсетува на бесмртноста на душите.
Темјанот ја симболизира чистата молитва што се вознесува кон Бога.
Цвеќето ги претставува добродетелите и добрите дела на покојниот.

Место во црковниот календар

Голема Задушница секогаш се паѓа во сабота, ден пред Месни Заговезни. Една седмица по Месни Заговезни започнува Велигденскиот пост, период на духовна подготовка и воздржување пред најголемиот христијански празник – Велигден.

Со одбележувањето на Голема Задушница, верниците ја потврдуваат својата вера во воскресението и вечниот живот, истовремено зачувувајќи го споменот и љубовта кон своите блиски кои починале.