Епископ Партениј: Од празен храм до духовно препороден манастир

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Епископ Партениј: Од празен храм до духовно препороден манастир

20 февруари 2026

• од Гоце Кически

Игуменот на Бигорскиот манастир, Епископ Партениј, сподели трогателно сведоштво за првите години од своето служење, потсетувајќи на времињата кога храмот бил речиси празен за време на Велики Петок — еден од најсвечените денови во православната традиција.

Во своето обраќање, владиката се присети дека на почетокот на неговата служба во храмот имало само неколку верници, меѓу кои и неговата мајка. И покрај малобројноста, тој со голема ревност настојувал богослужбите да се извршат целосно и според типикот, со сите читања и пеења.

„Службите беа многу долги, а уморот – неизбежен“, раскажува владиката. Тој се присети и на зборовите на својата мајка, која со мајчинска грижа го советувала да ги скрати службите поради малкуте присутни верници и заморот кај сите.

Сепак, гледајќи од олтарот кон празниот храм, епископот во срцето носел поинаква визија — храм исполнет со народ. Со силна молитва Го молел Господ по неколку години местото да се исполни со верници и манастирот да оживее со молитва.

„И фала Му и слава Му Нему, така и бидна“, истакна тој, нагласувајќи дека токму тоа го смета за своето најголемо богатство.

Епископ Партениј подвлече дека неговата единствена желба отсекогаш била духовното заживување: да има монаси, вистински верници и православни христијани, како и црквите низ целата татковина да бидат исполнети со народ.

Неговото сведоштво денес се смета за пример на истрајност, вера и долгогодишна духовна визија што, како што посочи, се остварила со Божја помош.