Денеска се празнуваат Светиот пророк Даниил и тројцата младенци Ананиј, Азариј и Мисаил

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнуваат Светиот пророк Даниил и тројцата младенци Ананиј, Азариј и Мисаил

30 декември 2025

• од Станча Јаќимовски

Денеска Православната црква го празнува споменот на Светиот пророк Даниил и на светите тројца младенци Ананиј, Азариј и Мисаил, четворица Божји угодници кои со својот живот, страдања и непоколеблива вера оставиле длабок белег во историјата на спасението.

Сите четворица потекнувале од царското племе Јудино. Во времето кога вавилонскиот цар Навуходоносор го разорил и запленил Ерусалим, младиот Даниил бил одведен во ропство заедно со јудејскиот цар Јоаким и со многу други Израилци. Иако уште од детството се соочил со страдање и туѓина, Даниил целосно му се предал на Бога, од Кого уште рано добил дар на голема прозорливост и мудрост.

Подробниот опис на неговиот живот и пророштва е запишан во книгата на Светото Писмо што го носи неговото име. Неговата слава меѓу Јудејците во Вавилон започнала кога ги разобличил двајцата неправедни и похотливи старци – судии, и ја спасил целомудрената Сосана од неправедна смрт. Подоцна, Даниил станал прочуен и меѓу Вавилонците, откако му го протолкувал сонот на царот Навуходоносор – нешто што никој друг не можел да го направи. Восхитен од неговата мудрост, царот го поставил за кнез на својот дворец.

Големото сведоштво за верата на тројцата младенци се случило кога Навуходоносор подигнал златен идол во полето Деира и заповедал сите да му се поклонат. Ананиј, Азариј и Мисаил одбиле да му се поклонат на идолот, останувајќи верни на живиот Бог. Поради тоа биле фрлени во огнена печка, но таму им се јавил ангел Божји, кој го разладил огнот. Младенците шетале низ печката неповредени и го славеле Бога со песната: „Благословен Си, Господи, Боже на нашите отци“. Ова чудо го исполнило царот со ужас и восхит, по што ги извадил од печката и ги удостоил со големи почести.

Во времето на царот Валтазар, за време на една раскошна гозба на која се користеле осветените садови од Ерусалимскиот храм, на ѕидот се појавила мистериозна рака која ги испишала зборовите: „мани, текел, фарес“. Никој не можел да го протолкува нивното значење, освен Даниил. Неговото толкување се исполнило истата ноќ – царот Валтазар бил убиен.

Заради својата вера, Даниил двапати бил фрлан во лавовска јама, но и двата пати Господ чудесно го избавил и го сочувал жив. Тој бил удостоен да го види Бога на престолот со ангелските сили, да гледа ангели и да проникнува во иднината на луѓе, царства и на целиот човечки род. Даниил го прорекол и времето на доаѓањето на Спасителот на земјата.

Според сведоштвото на свети Кирил Александриски, Даниил и тројцата младенци доживеале длабока старост во Вавилон, а потоа биле убиени со меч заради вистинската вера. Преданието раскажува дека при нивната смрт, секој од нив со длабока љубов и почит ја примал главата на другиот, а ангел Божји ги пренел нивните тела во Јудеја, на гората Гевалска, каде биле положени под камен.

Според црковното Предание, овие четворица Божји угодници за време на смртта на Господ Исус Христос воскреснале и им се јавиле на мнозина, по што повторно заспале.

Светиот пророк Даниил се вбројува меѓу четворицата големи пророци – заедно со Исаија, Јеремија и Језекил. Тој живеел и пророкувал околу петстотини години пред Христа, оставајќи неизбришлив духовен траг како сведок на верата, надежта и Божјата сила.