Денеска се празнува Свети Јован Златоуст

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Свети Јован Златоуст

26 ноември 2025

• од Станча Јаќимовски

Православната Црква денес го празнува споменот на Свети Јован Златоуст, еден од најголемите беседници, богослови и учители на Црквата. Роден е во Антиохија во 354 година, од таткото Секунд – војвода, и мајката Антуса, позната по својата побожност и мудрост.

Од философија до христијанска вера

Уште во младоста, Јован длабоко се впуштил во изучување на грчката философија. Но, наместо да го привлече незнабожечката традиција, тој се згнусил од нејзината празнина и ја прифатил христијанската вера како вистинска и спасителна. Крштението го примил од свети Мелетиј, Антиохискиот патријарх, по што и неговите родители станале христијани.

По нивната смрт, Јован се замонашил и се предал на строг аскетски живот. Во тој период ја напишал познатата книга „За свештенството“, а според преданието, токму тогаш му се јавиле светите апостоли Петар и Јован, прорекувајќи му голема служба, благодат, но и страдање.

Чудесно ракополагање и блескава служба

Кога дошло време да биде посветен за свештеник, ангел Господов му се јавил и нему и на патријархот Флавијан, со што го потврдил изборот од Небото. При ракополагањето, присутните виделе светол бел гулаб над главата на Јован, како знак на благодатта што ја прима.

Поради неговата мудрост, подвиг и силното слово, царот Аркадиј го избрал за патријарх Цариградски. Шест години ја управувал Црквата со исклучителна ревност и духовна сила. Неговите дела оставиле длабока трага: испраќал мисионери кај Келтите и Скитите, ја искоренил симонијата, ја раширил милосрдна дејност, составил чин на светата Литургија, ги разобличил ересите и ја разобличил и самата царица Евдоксија поради неправдите.

Прогонство и блажен крај

Поради неговата искреност и непоколебливост, многумина му завидувале, а царицата го испратила во прогонство – не еднаш, туку двапати. Во последните три години од животот ги поднел тешкотиите со смирение и благодарност кон Бога.

Се упокоил на 14 септември 407 година, на Крстовден, во местото Коман во Ерменија. Во последните мигови, според сведоштвата, повторно му се јавиле апостолите Петар и Јован и светиот маченик Василиск, во чија црква се причестил. Неговите последни зборови биле:
„Слава Му на Бога за сѐ!“

Неговите свети мошти

Главата на свети Јован Златоуст денес се чува во манастирот Ватопед на Света Гора, а неговото тело почива во Цариград, сведочејќи за вечната почит и љубов што Црквата му ја оддава.