Денеска се празнува Светата великомаченичка Варвара

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Светата великомаченичка Варвара

17 декември 2025

• од Станча Јаќимовски

Денеска православната црква ја празнува Светата великомаченичка Варвара, една од најпочитуваните христијански маченички, чиј живот претставува силно сведоштво за верата, духовната слобода и непоколебливата љубов кон Христа.

Света Варвара живеела на почетокот од IV век во градот Илиопол во Египет. Таа била ќерка единка на Диоскор, човек познат по своето богатство и општествена положба, но и по тоа што бил жесток незнабожец. Загрижен за убавината и умот на својата ќерка, Диоскор ја затворил во висока кула, опкружувајќи ја со удобности, слугинки и идоли за поклонување, со цел да ја оддалечи од надворешниот свет и од христијанската вера што тогаш се ширела.

Но, токму во таа изолација, преку созерцание на создадениот свет – земјата под себе и ѕвезденото небо над себе – умот на Варвара се просветлил со Божјата благодат. Иако немала човечки учител, таа Го познала единствениот вистински Бог. Кога нејзиниот татко заминал од градот, Варвара по Божја промисла излегла од кулата и се сретнала со христијанки, од кои ја примила христијанската вера и уште повеќе се утврдила во љубовта кон Господ Исус Христос.

Како израз на својата вера, Варвара наредила на бањата што татко ѝ ја изградил да се направи и трет прозорец, како симбол на Света Троица. Таа со прст нацртала крст на камен, кој чудесно се вдлабил како да бил врежан со железо, а од нејзините стапала на подот избил извор со вода што подоцна станал извор на исцеление за многумина.

Кога Диоскор дознал дека неговата ќерка станала христијанка, ја подложил на сурови маки, ја истерал од кулата и ја гонел со намера да ја убие. По Божја сила, карпата се отворила и ја скрила Варвара од прогонителот. Сепак, таа повторно била пронајдена и одведена пред управникот Мартијан, кој ја изложил на тешки мачења. Во затворот, ѝ се јавил Самиот Господ и ја исцелил, укрепувајќи ја во страдањата.

Светата великомаченичка Варвара го примила маченичкиот венец во 306 година, останувајќи до крај верна на Христа. Нејзините чудотворни мошти денес почиваат во Киев и се извор на утеха, исцеление и духовна сила за верниците.

Животот и страдањето на Света Варвара и денес нè повикуваат на истрајност во верата, храброст во искушенијата и целосна доверба во Божјата промисла.