Денеска се празнува Преподобен Јоаникиј Ракотински

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Преподобен Јоаникиј Ракотински

17 ноември 2025

• од Станча Јаќимовски

Православната црква денеска го чествува споменот на Преподобен Јоаникиј Ракотински, скромен, но голем духовник кој целиот свој живот го посвети на молитвата, служењето на народот и возобновувањето на духовните огништа во Македонија.

Роден е на Божик во 1847 година во Охрид, во време исполнето со немир и неизвесност. Рано го почувствувал повикот кон монашкиот живот, па во 1873 година го примил монашкиот потстриг во манастирот „Св. вмч. Пантелејмон“ во Нерези. Неговиот духовен пат продолжил низ неколку манастири: Горен „Св. Илија“ во с. Бањани, а потоа и Марковиот манастир, каде што ја зацврстил својата вера и подвиг.

Желбата да служи на народот го довела до селото Ракотинци, каде што го обновил манастирот „Св. Илија“ и го претворил во духовно прибежиште за сите што барале утеха и помош. Во 1896 година основал келијно училиште за деца, со што ја продолжил традицијата на духовно-просветителската работа, толку значајна за македонскиот народ во тоа време.

Познат е и по тоа што ги лекувал луѓето со молитви, но и со билки и лекови од природата. Во најтешките години под турско владеење, за време на Балканските војни и Првата светска војна, преподобниот Јоаникиј останал духовна поткрепа на народот. Неговото трпение и храброст биле ставани на искушение многупати – турски и арнаутски одметници се обидувале дури и да го убијат, но тој останал непоколеблив.

Во 1913 година бил произведен во игумен, а во 1935 година ја добил честа да биде воздигнат во архимандрит. Се упокоил на 24 јануари 1940 година, оставувајќи зад себе трајен белег на светост и милост. По неговата смрт, неговото тело во повеќе наврати било откривано нетлено и со благоухан мирис – сведоштво што многумина го сметаат за знак на неговата светост.

Денес, Преподобен Јоаникиј Ракотински е пример за скромност, пожртвуваност и вистинска љубов кон Бога и својот народ. Неговото дело и подвиг продолжуваат да инспирираат и да потсетуваат на силата на верата во најтешките времиња.