Денеска 12 април 2026 година се слави Велигден: Празник над празниците и победа над смртта

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 12 април 2026 година се слави Велигден: Празник над празниците и победа над смртта

12 април 2026

• од Станча Јаќимовски

Православните верници денеска го слават најголемиот христијански празник Велигден – Христовото воскресение. Ова е денот кога, според христијанското верување, Исус Христос ја докажал својата божествена моќ, победувајќи ја смртта за спасение на човештвото.

Торжествено објавување на Воскресението

Воскресението Христово на полноќ беше величествено објавено во сите храмови на Македонската православна црква – Охридска архиепископија (МПЦ-ОА). По две години поминати под ковид-рестрикции, оваа година верниците можеа да присуствуваат на богослужбите без никакви ограничувања, исполнувајќи ги дворовите на црквите со молитва и радост.

Архиепископот Охридски и Македонски г.г. Стефан чиноначалствуваше со централната прослава во Соборниот храм „Свети Климент Охридски” во Скопје. По Полуноќницата и традиционалниот опход околу храмот, тој го објави Христовото воскресение, по што следуваа Утрената и Светата Златоустова литургија.

Празнична програма во Соборниот храм

Празнувањето продолжува и во текот на денешниот ден:

09:00 часот: Воскресна литургија во Соборниот храм, со која богослужи поглаварот на МПЦ-ОА.
11:00 часот: „Второ Воскресение“ (Едноцрквие), каде Евангелието се чита на повеќе светски јазици, симболизирајќи ја универзалноста на Христовата порака.

Традицијата на црвеното јајце: Симбол на живот и победа

Велигден е празник кој нераскинливо ги спојува верата и народната традиција. Сè започнува на Величетврток, кога домаќинките уште пред изгрејсонце ги бојадисуваат првите три црвени јајца.

„Велигденското јајце е старо колку и христијанството. Тоа е симбол на Христовото воскресение – како што од јајцето излегува нов живот, така и Христос излезе од гробот.“

Зошто црвена боја?

Победа: Црвената боја ја симболизира Божјата сила и победата над смртта.
Жртва: Таа нè потсетува на Христовата крв пролеана на крстот за спасение на луѓето.
Света Причест: Црвената боја е поврзана со виното кое Христос го востановил како Света тајна на Тајната вечера.

Од Марија Магдалена до денес

Корените на овој обичај датираат од првиот век. Според Светото предание, Марија Магдалена била таа која ја започнала традицијата на подарување црвено јајце.

Кога заминала во Рим да го проповеда Евангелието, таа му подарила црвено јајце на римскиот император Тивериј, поздравувајќи го со зборовите: „Христос воскресе!“ Преку овој чин, таа му раскажала за чудата и воскресението на Спасителот.