Денес ги празнуваме Светите апостоли Ераст, Кварт, Родион, Сосипатар и Терци

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес ги празнуваме Светите апостоли Ераст, Кварт, Родион, Сосипатар и Терци

23 ноември 2025

• од Станча Јаќимовски

Православната Црква денес молитвено ги споменува и слави петмина од Седумдесетте апостоли: Светите Ераст, Кварт, Родион, Сосипатар и Терциј — христови проповедници кои со ревност и пожртвуваност ја ширеле спасителната вера низ различни краишта од тогашниот свет.

Иако заеднички се чествуваат на овој ден, дел од нив имаат и посебни датуми на празнување. Така, Свети Родион се празнува и на 8 април, Свети Сосипатар на 28 април, а Свети Терциј на 30 октомври. Секој од овие апостоли оставил длабока духовна трага и придонес во првите години на христијанството.

Светите Олимп и Родион – следбеници на апостолот Петар

Светите Олимп и Родион биле верни ученици и следбеници на Свети апостол Петар. Кога апостолот Петар пострадал за Христа, и тие храбро го споделиле неговиот маченички крај. По заповед на римскиот император Нерон, тие биле обезглавени, сведочејќи за верата со својата крв.

Свети Ераст – економ на Црквата и епископ

Свети Ераст најнапред служел како економ на Црквата во Ерусалим, каде што се грижел за нејзините потреби и дела. Подоцна бил поставен за епископ во Панеада Палестинска, продолжувајќи го апостолското дело со мудрост и посветеност.

Свети Кварт – епископ во Бејрут

Свети Кварт бил епископ во Бејрут. Иако многу страдал за време на својата служба, тој не се поколебал. Напротив, трпеливо и со голема љубов ги привел многумина кон Христовата вера, оставајќи зад себе генерации верници.

Свети Сосипатар и Свети Терциј – епископи во Иконија

Свети Сосипатар служел како епископ во Иконија, а по него Свети Терциј станал втор епископ на истиот град. Со својата проповед, вера и добродетели, тие го утврдувале христијанскиот народ и го зајакнувале духовниот живот на Црквата.