Денес 24 јануари 2026 година се празнува Преподобен Теодосиј Велики

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес 24 јануари 2026 година се празнува Преподобен Теодосиј Велики

24 јануари 2026

• од Станча Јаќимовски

Денес Православната црква го празнува споменот на Преподобен Теодосиј Велики, првиот востановител и устроител на монашкото општежитие – заедничкиот монашки живот заснован на љубов, послушание и целосно предавање на Бога.

Преподобниот Теодосиј е роден во Кападокија, во селото Могаријаси, од благочестиви и богобојазливи родители. Уште од младоста покажувал длабока духовна наклонетост и стремеж кон подвижнички живот. Во тие рани години го посетил и светиот Симеон Столпник, кој го благословил и прорекол дека го очекува голема духовна слава и значајна улога во животот на Црквата.

Во потрага по место каде што ќе се насели и ќе Му служи на Бога, Теодосиј носел кадилница со ладно ќумурче и темјан, молејќи се Господ да му го покаже патот. Кога ќумурчето чудесно само од себе се разгорело, тој го примил тоа како Божји знак. На тоа место се населил, започнувајќи строг подвижнички живот во молитва, пост и бдеење.

Наскоро околу него се собрале монаси од различни земји и народи. За да им овозможи духовен живот на сите, Теодосиј изградил по една црква за секој јазик што се зборувал во обителта – грчки, ерменски, грузиски и други. Така, во слава Божја, истовремено се служело и се пеело на различни јазици. Но во деновите на причестување, целото братство се собирало во големата црква, каде што богослужбата се извршувала на грчки, како знак на единство во верата.

Во манастирот што го основал, сè било заедничко: трпезата, имотот, трудот и страдањето. Често заедничко било и гладувањето, но никогаш не недостасувала љубовта и меѓусебната поддршка. Преподобен Теодосиј бил жив пример за сите монаси – пример во трудољубивоста, во непрестајната молитва, во постот, бдеењето и во сите христијански добродетели.

Бог го украсил со големи духовни дарови. Му бил даден дарот на чудотворство: исцелувал болни, им помагал на луѓе и од далечина, умножувал леб и пченица во време на немаштија. Молитвата никогаш не се одделувала од неговите усни – ниту дење, ниту ноќе.

По долг и исполнет живот, Преподобен Теодосиј Велики мирно се упокоил во Господа во 529 година, на длабока старост од сто и шест години. Неговиот живот и дело остануваат силен сведок за тоа дека вистинското богатство е во смирението, љубовта и целосната посветеност на Бога и на ближните.