Израел вели ќе продолжи со напади додека не се отстрани заканата од нуклеарната програма на Иран

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Израел вели ќе продолжи со напади додека не се отстрани заканата од нуклеарната програма на Иран

17 јуни 2025

• од Станча Јаќимовски

Според извештаи на AFP и иранските државни медиуми, во главниот град Техеран се пријавени големи експлозии. На социјалните мрежи кружат непотврдени слики и видеа кои прикажуваат огромни облаци од сив чад што се издигнуваат над градот, поради, како што се претпоставува, серија воздушни напади.

Според официјални извори од Израел, овие напади се дел од поширока воена операција насочена кон елиминирање на иранската нуклеарна програма и балистичкиот ракетен арсенал. Израелската армија (ИДФ) изјави дека операцијата нема да заврши сè додека не биде целосно отстранета, како што ја нарекуваат, „егзистенцијалната закана“ што произлегува од Иран.

„Продолжуваме да ги напаѓаме нуклеарните цели за да го продлабочиме нашето влијание, според однапред утврден план и во време што ние го одредуваме“, изјави генерал-мајор Одед Басиук, началник на Дирекцијата за операции на ИДФ, додавајќи дека Израел не ја таргетира иранската популација, туку раководството во Техеран.

Армијата потврди дека досега се уништени или неутрализирани над 200 лансери на балистички ракети, што претставува значаен дел од арсеналот на Иран. Нападите, според ИДФ, спречиле дополнителни ракетни напади кон територијата на Израел, иако се оценува дека Иран и понатаму поседува капацитет да нанесе голема штета.

Целите на операцијата се проширени и на други елементи од иранскиот воен и нуклеарен апарат. Израелските сили велат дека ќе продолжат да напаѓаат нуклеарни објекти, научници поврзани со програмата, системи за воздушна одбрана, командни центри и други клучни објекти што му служат на иранскиот режим.

Во моментот, Израел има воздушна супериорност над западниот дел на Иран, вклучувајќи го и Техеран, благодарение на нападите врз иранските системи за воздушна одбрана. Сепак, ИДФ предупредува дека летовите над Иран сè уште претставуваат ризик за пилотите.

„Ќе останеме подготвени за одбрана. Проценуваме дека Иран ќе продолжи со обидите да му наштети на Израел“, додаде Басиук, нагласувајќи дека досега се нанела значителна штета на иранската способност да развие нуклеарно оружје, но операцијата не е завршена.

Израелските одбранбени сили најавија дека по завршувањето на операцијата ќе излезат со детален извештај за причинетата штета врз иранската нуклеарна програма.

„Нема да дозволиме нуклеарен Иран да го претвори Блискиот Исток во гробишта“, рече Басиук.

Развојот на настаните се следи внимателно од меѓународната заедница, додека ризикот од понатамошна ескалација на судирите останува висок.