Заев до Ципрас: Со Преспанскиот договор оставивме позитивен пример за Балканот, Европа и светот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Заев до Ципрас: Со Преспанскиот договор оставивме позитивен пример за Балканот, Европа и светот

18 јуни 2025

• од Станча Јаќимовски

Зоран Заев, му упати честитка на поранешниот грчки премиер Алексис Ципрас, истакнувајќи ја важноста на договорот како историски чин кој остави позитивен пример не само за регионот, туку и за пошироката меѓународна заедница.

„Драг Алексис, во време на војни и хаотичен свет, сè повеќе се радувам што успеавме да го постигнеме Преспанскиот договор, да изградиме трајно пријателство меѓу нашите соседни земји — Северна Македонија и Грција, но и да оставиме исклучително позитивна трага на Балканот, во Европа и светот, дека и најтешките прашања меѓу држави можат да се решат по дипломатски пат,“ напиша Заев во својата порака.

Договорот, потпишан на 17 јуни 2018 година во Преспа, стави крај на деценискиот спор за името помеѓу Македонија и Грција и овозможи напредок во меѓународната интеграција на Северна Македонија. Благодарение на договорот, земјата стана полноправна членка на НАТО и ги отвори вратите за понатамошни евроинтеграции и подобрување на добрососедските односи.

Со оваа честитка, Заев ја нагласи важноста на лидерството, храброста и визијата во надминувањето на историските разлики, потсетувајќи дека успехот на Преспанскиот договор претставува модел за решавање конфликти преку дијалог, разбирање и заемна почит.