СДСМ со нови обвинувања: „Банкарот на Вучиќ стана банкар и на Мицкоски“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ со нови обвинувања: „Банкарот на Вучиќ стана банкар и на Мицкоски“

13 декември 2025

• од Вардарски

Опозициската СДСМ објави нови обвинувања за наводна корупција и политичко-финансиско влијание во актуелната власт, како дел од најавениот серијал „бомби“. Членот на Централниот одбор на СДСМ, Александар Саша Димитријевиќ, оцени дека „српското сценарио“ се потврдува и во Македонија, овојпат преку зделките со српската „Алта Банка“.

Според Димитријевиќ, преземањето на „Стопанска Банка АД Битола“ од страна на „Алта Банка“ е реализирано веднаш по доаѓањето на власт на ВМРО-ДПМНЕ, што, како што рече, овозможило „банкарот на Вучиќ да стане банкар и на Мицкоски“. Според СДСМ, целиот случај укажува на сериозно политичко-финансиско влијание и ризик за македонскиот финансиски систем.

Во своето обраќање, Димитријевиќ се повика на информации објавени во повеќе српски медиуми, наведувајќи дека сопственикот на „Алта Банка“, Давор Мацура, во Србија добил значајни државни бизниси, иако претходно бил сопственик на мала менувачница. Според него, ваквиот модел на нагло збогатување и сомнителни зделки е препознатлив за владејачката структура во Србија, предводена од СНС и Александар Вучиќ.

Тој потсети дека Европската централна банка му го суспендирала правото на Мацура да купи удел во „Адико банка“, поради сомнежи за потеклото на капиталот, како и дека против платниот сервис „Алта пеј“ постои долготрајна истрага поради сомнежи за перење пари.

„Ова значи легален влез на сомнителни финансиски текови во Македонија и отворање врата за можно перење пари. Еве го српското сценарио на кое предупредуваме“, изјави Димитријевиќ.

Според СДСМ, преземањето на „Стопанска Банка АД Битола“ е директно поврзано со финансиско-политичка мрежа на владејачките структури околу Христијан Мицкоски и ВМРО-ДПМНЕ, што, како што велат, создава ризик од трансфер на сомнителен капитал и политички влијанија од Србија во Македонија.

На крајот, Димитријевиќ побара надлежните институции итно да реагираат. „Бараме Финансиското разузнавање и Финансиската полиција да отворат истрага за ова крајно сомнително преземање. Македонија не смее да стане финансиска платформа за туѓи политички агенди“, порача тој.