СДСМ со критики: ВМРО-ДПМНЕ слави четири години лаги зад новиот слоган „Допрва ќе работиме“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ со критики: ВМРО-ДПМНЕ слави четири години лаги зад новиот слоган „Допрва ќе работиме“

18 јуни 2025

• од Станча Јаќимовски

СДСМ жестоко реагираше на роденденската прослава на ВМРО-ДПМНЕ од археолошкиот локалитет „Хераклеја“ во Битола, оценувајќи ја како уште една прилика за, како што велат, промоција на лаги зад нов концепт и слоганот „Најдоброто допрва доаѓа“.

„По четири години локална и една година централна власт, ВМРО-ДПМНЕ нема реален проект со кој може да се пофали. Единственото што го нудат е нова празна приказна – дека допрва ќе работат,“ се вели во реакцијата на СДСМ.

Од партијата посочуваат дека токму археолошкиот локалитет „Хераклеја“ каде што ВМРО-ДПМНЕ ја одржа прославата, е симбол на запоставеноста и неодговорноста. Според СДСМ, во изминатите години не е направено ништо – ниту во поглед на пристапниот пат, ниту на одржувањето на објектот, којшто, велат, „се распаѓа пред очи на граѓаните и туристите“.

„Прашањето е, што чекаа до сега? Дали крадеа и ги полнеа своите џебови, а сега повторно нудат нова лага за наводни проекти кои ќе дојдат?“ прашуваат од СДСМ, додавајќи дека владеењето на ВМРО-ДПМНЕ е исполнето со манипулации, празни ветувања и отсуство на конкретни резултати.

СДСМ оценува дека ВМРО-ДПМНЕ го злоупотребува секој повод за политичка промоција и прикривање на сопствената неспособност, притоа обвинувајќи ја власта пред нив и оправдувајќи ги незавршените работи со флоскули како „доброто допрва доаѓа“.

„Ако имаа волја и капацитет, доброто ќе беше тука – сега,“ порачуваат од СДСМ.