Граѓаните на С. Македонија треба да работат 25 години за да купат стан од 60 квадрати

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Граѓаните на С. Македонија треба да работат 25 години за да купат стан од 60 квадрати

11 јануари 2026

• од Станча Јаќимовски

Решавањето на станбеното прашање останува едно од клучните животни предизвици за секој човек. Сопствениот дом претставува симбол на сигурност и стабилност, како за поединецот, така и за семејството. Сепак, во услови на постојан раст на цените на недвижнините, патот до сопствен покрив над глава за сè поголем број граѓани станува долг и финансиски исцрпувачки.

Логично се наметнува прашањето: колку години треба да работи еден граѓанин за да купи просечен стан?

За потребите на оваа информативна анализа, како пример се зема новоизграден стан со површина од 60 квадратни метри. Доколку просечната цена по квадратен метар изнесува 2.000 евра, вкупната вредност на станот достигнува 120.000 евра – сума која за многумина претставува недостижна цел без долгорочни финансиски обврски.

Ако се земе предвид просечна месечна плата од околу 600 евра и хипотетички се претпостави дека целата плата се користи исклучиво за отплата на станот, би биле потребни приближно 16,6 години непрекината работа за целосно да се исплати недвижнината. Но, ова сценарио е нереално, бидејќи секојдневните животни трошоци се неизбежни.

Доколку од месечната плата се издвојат најмалку 200 евра за храна, сметки и други основни потреби, за отплата на станот остануваат околу 400 евра месечно. Во таков случај, времето потребно за целосна исплата на стан од 60 квадрати се зголемува на околу 25 години.

Експертските анализи покажуваат дека во земјите од регионот, просечно се потребни околу 18 години работа доколку целата плата се насочи кон купување стан. Но, кога ќе се земат предвид реалните трошоци за живот, тој период лесно надминува 23 години.

Слични предизвици постојат и во светските метрополи. Во Хонг Конг, на пример, на еден жител му се потребни над 20 години работа за да купи стан, додека во Париз и Лондон тој период се движи меѓу 14 и 15 години. Клучната разлика, сепак, е во висината на платите – додека таму приходите се значително повисоки, кај нас растот на цените на квадратот не е проследен со соодветен раст на платите.

Сè поголемиот јаз меѓу приходите и цените на недвижнините го прави сопствениот дом сè потешко достижен, особено за младите и младите семејства. Како резултат, сè почесто тие се принудени да се потпрат на долгорочни кредити или финансиска поддршка од семејството.

Со цена од 2.000 евра по квадратен метар, купувањето стан денес веќе не е само животна цел, туку сериозен и долгорочен финансиски предизвик.